यूएईमा समस्यामा परेका नेपालीलाई राहत वितरण सुरु, सम्पर्क गर्न दूतावासको आग्रह

काठमाण्डौ – यूएईमा रहेको नेपाली दूतावासले त्यहाँ समस्यामा परेका नेपाली श्रमिकहरुलाई राहत सामग्री बाँड्न थालेको छ ।

यूएईमा रहेको गैरआवासीय नेपाली संघ र नेपाली समाजको सहयोगमा खाद्यान्न मिश्रित दैनिक एकहजार थान राहात सामग्री वितरण गर्न थालिएको दूतावासले जनाएको छ ।

आबुधाबीमा खाद्यान्न समस्या परेका नेपालीहरूले नेपाली दूतावासमा र अन्य प्रान्तमा बस्नेहरुले गैरआवासीय नेपाली संघ र नेपाली समाजका प्रतिनिधिहरूसँग सम्पर्क गर्न दूतावासले आग्रह गरेको छ ।

यस्तै राहत वितरण कार्यमा सहयोग गरेकोमा इमिरेट्स् फाउण्डेशन र लूलू एक्स्चेन्जलाई दूतावासले धन्यवाद व्यक्त गरेको छ ।

Top