खाडी मुलुकमा कोरोनाले मृत्यु हुनेको संख्या १ हजार ८५ पुग्यो

काठमाडौं – लाखौं नेपालीहरु कार्यरत खाडीका ६ मुलुकमा कोरोना भाइरसले १ हजार ८५ जनाको मृत्यु भएको छ भने २ लाख २६ हजार ६०६ जना संक्रमित भएका छन् ।
खाडीका ६ राष्ट्रमध्ये साउदी अरवमा अहिलेसम्म सबैभन्दा धेरै ५०३ जनाको मृत्यु भएको छ । त्यहाँ ८५ हजार २६१ जना संक्रमित भएका छन् ।

यस्तै यूएईमा २६४ जनाको मृत्यु भएको छ भने ३४ हजार ५५७ जना संक्रमित भएका छन् । कोरोना भाइरसको संक्रमणले कुवेतमा २१२ जनाको मृत्यु भएको छ भने २७ हजार ४३ जना संक्रमित भएका छन् ।

यस्तै ओमानमा ४९ जनाको मृत्यु भएको छ भने ११ हजार ४३७ जना संक्रमित भएका छन् । कोरोना भाइरसको संक्रमणले कतारमा ३८ जनाको मृत्यु भएको छ भने ५६ हजार ९१० जना संक्रमित भएका छन् ।

कोरोना भाइरसको संक्रमणले बहराइनमा १९ जनाको मृत्यु भएको छ । त्यहाँ ११ हजार ३९८ जना संक्रमित भएका छन् । बैदेशिक रोजगारीमा रहेका लाखौं नेपालीहरु रहेका खाडी मुलुकमा संक्रमण बढ्दै जादा उनीहरु चिन्तित हुन थालेका छन् ।

Top