काठमाडौं– ६९ जना नेपालीसहित २३२ यात्रु लिएर कोरियन एयरलाइन्सको विमान कोरिया प्रस्थान गरेको छ ।
विमानमा कोरियाको पीआर भएका तथा काम गर्ने अनुमति पाएका कामदारसहित ६९ नेपाली यात्रु सवार थिए ।
विमान आजै बिहान आएर बिहान ११ बजे कोरिया प्रस्थान गरेको नागरिक उड्डयन प्राधिकरणका प्रवक्ता राजकुमार क्षेत्रीले जानकारी दिए ।
यसैबीच आजै नेपाल एयरलाइन्सका तीन विमानले हङकङको उडान भर्ने भएका छन् ।
राति आठ, साढे आठ र नौं बजे नेपाल एयरलाइन्सका तीन जहाजले हङकङ उडान भर्ने पनि प्रवक्ता क्षेत्रीले जानकारी दिए ।
उनका अनुसार हङकङमा बसोबास गर्ने नेपाली र नेपालमा रहेका हङकङबासीलाई तीन उडानमार्फत लगिने छ ।
दुई एयरवस ३२० र एक एयरवस ३३० हङकङ जानेछन् ।
