‘आईएमई घरमै रु. १ लाख जितौँ’ योजना सार्वजनिक

काठमाण्डाै – आईएमई लिमिटेडले ‘आईएमई घरमै रू. १ लाख जितौं’ नामकाे उपहार कार्यक्रम सार्वजनिक गरेको छ ।

कोभिड-१९ को प्रभावलाई मध्यनजर गर्दै घरबाहिर ननिस्की नै रेमिटेन्स गरिएको रकम सजिलै प्राप्त गर्न सकिन्छ भन्ने सन्देश प्रवाह गर्नका लागि याे उपहार कार्यक्रम ल्याइएकाे कम्पनीले जनाएकाे छ ।

सामान्य अवस्थामा रेमिटेन्स रकम एजेन्टकहाँ गएर प्राप्त गर्न सकिने भए पनि हाल बाहिर निस्किँदा सङ्क्रमणको जोखिम हुने भएकाले आफ्नो मोबाइल फोनमै रकम प्राप्त गर्न सकिनेगरी यो योजना सार्वजनिक गरिएको कम्पनीकाे दावी छ ।

यस अन्तर्गत यही जेठ ३१ गतेबाट सुरू गरिएको ‘आईएमई घरमै’ उपहार योजनाबाट आईएमई गरिएको रकम आईएमई पे मोबाइल वालेट एपमा प्राप्त गर्ने १ जना भाग्यशालीलाई १ लाख रुपैयाँ प्रदान गरिनेछ । त्यसैगरी हरेक हप्ता ५ जनालाई जनही ५ हजार रुपैयाँ प्रदान गरिनेछ । कम्पनीका अनुसार याे योजना असारको अन्त्यसम्म लागू हुनेछ ।

स्वदेश तथा विदेशबाट आईएमई गरिएको रकम आईएमई पेमा प्राप्त गर्दा हरेक कारोबारमा ५० रुपैयाँ बोनस प्राप्त गर्न सकिने र विजेतालाई उपहार रकम आईएमई पे मोबाइल वालेटमै प्रदान गरी सामाजिक दूरी कायम गर्न प्रोत्साहन गरिने कम्पनीले जनाएकाे छ ।

Top