बैंकको ब्याजदर सस्तियो, अब कतिमा पाइन्छ सेयर कर्जा ?

काठमाडौं : लामो सयमदेखि मुलुकमा लक डाउन हुँदा शिथिल बनेको अर्थतन्त्र विस्तारै चलायमान हुँदैछ । आशिंक रुपमामात्रै उद्योगधन्दाहरु खुलेका छन् । तर कर्जाको माग अपेक्षा अनुसार भएको छैन । निक्षेप भने बढिरहेको छ । जसका कारण वित्तीय संस्थामा प्रचुर तरलता रहेको छ । सोही कारण ब्याजदर घट्दोक्रममा रहेको हो । यसका अलवा केन्द्रीय बैंकले पछिल्ला दिनहरुमा जारी गरेको मौद्रिक उपकरणहरुले पनि ब्याजदर घटाउन सहयोग पुगेको देखिन्छ । बैंक तथा वित्तीय संस्थामा कर्जा प्रवाहको तुलनामा निक्षेप संकलन धेरै भएपछि अधिक तरलताको अवस्था आएको हो ।

तरलता सहज भएपछि त्यसको प्रत्यक्ष प्रभाव ब्याजदरमा परेको छ । विस्तारै ब्याजदर अझै घट्ने क्रममा छ । पछिल्लो समय सेयर कर्जा पनि सहज रुपमा पाइएको लगानीकर्ताहरुले बताएका छन् । नेपाल इन्भेष्टर्स फोरमका अध्यक्ष छोटेलाल रौनियर भन्छन्, ‘अहिले बैंकहरुले सहजर रुपमा सेयर कर्जा दिएका छन् । बैंकहरुले लगानीकर्तालाई ८–९% मा नै कर्जा दिइरहेका छन् ।’ अन्य क्षेत्रमा प्रवाह हुने भन्दा सेयर कर्जामा जोखिम हुने भएकाले पनि बैंकहरु सेयर कर्जातर्फ आकर्षण भएको उनको भनाई छ ।

तरलता सहज भएपछि बैंकको ब्याजदर घट्छ । यसको प्रत्यक्ष र सकारात्मक प्रभाव सेयर बजारमा देखिन्छ । बैंक ब्याजदर र सेयर बजारबीच जहिले पनि विपरीत सम्बन्ध हुने गर्छ । सामान्यतयः ब्याजदर बढ्दा सेयर बजार घट्ने अनि ब्याजदर घट्दा सेयर बढ्ने गर्छ । कम ब्याज पाइन थालेपछि सर्वसाधारणहरु पनि बैंक निक्षेपतिर भन्दा सेयर बजारमा आकर्षित हुने गर्छन् ।

बैंकहरुले आधार दरमा निश्चित प्रतिशत प्रिमियम थपेर ग्राहकसँग लिने ब्याजदर निर्धारण गर्छन् । वाणिज्य बैंकहरुको पछिल्लो तथ्यांक अनुसार आधार दर क्रमशः घट्दै गएको देखिन्छ । हेरौं, कुन वाणिज्य बैंकले कति प्रतिशत ब्याजमा सेयर कर्जा दिंदै आएका छन् :–

Top