आलोचित तिज गीत युट्युवबाट हटाइयो

हिन्दु जागरण नेपालको दवावमा सोफिया थापाको ‘नो ब्रत, नो प्लिज’ बोलको विवादित गीत युट्युबमार्फत हटाइएको छ । हिन्दु जागरण नेपालले हाइलाइट्स नेपाललाई एक पत्र लेख्दै गीतले धार्मिक आस्थामाथि प्रहार गरेकाले हटाइदिन अनुरोध गरेको थियो ।

सो पत्र र संस्थाका अधिकारीको निरन्तरको दवाव र अनेकन विवाद सिर्जना भएपछि गीत हटाइएको बताइएको छ । यसअघि हिन्दूवादी संस्थाले तुरुन्त गीत हटाउन गायिका थापालाई चेतावनीसहितको धम्की समेत थियो ।

हिन्दू नारीहरुको महान चाड तीजमा भोकै ब्रत बस्ने, श्रीमान्को खुट्टाको पानी खाने लगायतको परम्पराको विरोध गर्दै गायिकाले सोफियाले गीतमार्फत यो परम्परा हटाउन भनेकी छन् । वर्षौदेखि चल्दै आएको परम्परा विरोधी गीत बनाइएको भन्दै हिन्दु जागरण नेपालले गीत हटाउन दवाव दिँदै आएको थियो ।

गीतमा शब्द, संगीत र स्वर समेत उनकै रहेको थियो भने भिडियोमा मेनुका थापा, पूजा गहतराज, अनिशा गौतम, बबिता धिताल, प्रियंका थापा, शारदा थापा, रजनी केसी लगायतको रहेको थियो ।

Top