ट्राफिक महाशाखाकाे सेवा बन्द : उपत्यकामा खटिने झन्डै चार सय ट्राफिक प्रहरी क्वारेन्टाइनमा

महानगरीय ट्राफिक प्रहरी महाशाखा (बग्गीखाना)बाट प्रवाह हुने अत्यावश्यकबाहेकका सेवाहरू बन्द भएका छन् ।

महाशाखामा रहेका दुईजना ट्राफिक प्रहरीलाई कोरोना संक्रमण पुष्टि भएपछि अत्यावश्यकबाहेकका सेवा बन्द भएका हुन् ।

महाशाखा प्रमुख भीमप्रसाद ढकालसहित अहिले तीन सय ७५ जना नै क्वारेन्टाइनमा रहेका छन् ।

क्वारेन्टाइनमा रहेका प्रहरीको ट्रेसिङ गरेर पिसिआर परीक्षणको तयारी भइरहेको छ ।

उपत्यकाभित्र एक हजार पाँच सय ४५ ट्राफिक प्रहरी कार्यरत रहेका छन् ।

करिब चार सय प्रहरी क्वारेन्टाइनमा भएपछि ट्राफिक व्यवस्थापनमा केही अहसज हुने देखिएको छ ।

प्रहरी प्रधान कार्यालय नक्सालमा कार्यरत ७२ जना प्रहरीमा पनि कोरोना पुष्टि भइसकेको छ ।

Top