काठमाण्डौ उपत्यकामा एक हप्ता निषेधाज्ञा थप गर्ने तयारी

काठमाण्डौ – काठमाण्डाै उपत्यकामा एक हप्ता निषेधाज्ञा थप गर्ने तयारी भइरहेकाे छ । यसअघि जिल्ला सङ्कट व्यवस्थापन केन्द्र (डीसीसीएमसी) ले भदौ १७ गतेसम्म निषेधाज्ञा थप गर्न सिफारिस गरेको हाे ।

डीसीसीएमसीले उपत्यकामा जारी निषेधाज्ञालाई भदौ १७ गतेसम्म लम्ब्याउन सिफारिस गरेको हो ।

मङ्गलबार दिउँसो बसेको काठमाण्डौं, ललितपुर र भक्तपुरका प्रमुख जिल्ला अधिकारीको संयुक्त बैठकले उपत्यकाका तीन जिल्लामा निषेधाज्ञा लम्ब्याउने निर्णय गरेको स्रोतले बताएको छ । अहिले तीनै जिल्लाका प्रमुख जिल्ला अधिकारी निषेधाज्ञा थप्ने निर्णयको सिफारिस लिएर गृह मन्त्रालयका पुगेका छन् ।

उपत्यकामा गएको ३ गतेदेखि लागू भएको निषेधाज्ञा बुधबार राति १२ बजेदेखि सकिन लागेकाले एक हप्ताको निषेधाज्ञाको समीक्षा गर्न आज बैठक बसेको हो ।

Top